Thursday, July 12, 2012

အချစ် နှင့် ဆင်ကြယ် ဖိနပ်


ချစ် နှင့် ဆင်ကြယ် ဖိနပ
ကျွန်တော်ငယ်စဉ်က စီးခဲ့တဲ့ ဖိနပ်အများစုက ရာဘာ ဖေါ့ ဖိနပ်များပါ၊ တံဆိပ်မျိုးစုံ အရောင်မျုိုးစုံတဲ့ ဖိနပ်တွေပေါ့။
ရာဘာဖိနိပ် စီးတဲ့သူတိုင်း ကြုံတွေ့ရတဲ့ ဒုက္ခ ကတော့ ဖိနိပ်ကို အမြဲ တိုက်ချွတ် ဆေးကြောရတဲ့ အလုပ်ပါ။ ရာဘာဖိနိပ်ကို ပုံမှန် ဆပ်ပြာနှင့် သွားပွတ်တံ အဟောင်း သုံးပြီး တိုက်ချွတ် မဆေးကြောရင် ဂျီးတွေတက်ပြီး အင်မတန် အကြည့်ရ ဆိုးလွန်းပါတယ်။ မိုးတွင်းဆို အင်္ကျီမှာ ဖားဥတွေစွဲ သလို ဖိနပ်မှာ အမဲကွတ်တွေနဲ့ အရုပ်ဆိုးလွန်းလှပါတယ်။
ရာဘာဖိနပ် တွေထဲမှာ ယုိးဒယားကလာတဲ့ ဆင်ကြယ် တံဆိပ် ဖိနပ်ကတော့ ဈေးအကြီးဆုံးနဲ့ လူကြိုက် အများဆုံးပါ။ အဲဒီ ခေတ်က အခြားရာဘာ ဖိနပ်တွေနဲ့ နှိုင်းယှဉ်ရင် ဆင်ကြယ် ဖိနပ် က သိသိ သာသာ သေသပ် လှပ ခိုင်ခန့်တယ်၊ ဈေးနှန်း ကလဲ အဆများစွာ ကြီးတယ်။
ကျွန်တော့မိဘတွေက သာမန် အစိုးရ ၀န်ထမ်း တွေပါ၊ ဆင်ကြယ် ဖိနိပ်ကို အမြဲတမ်း ၀ယ် မပေးနိုင်ပါဘူး၊ တခြား ရာဘာ ဖိနပ် တွေကိုပဲ ပုံမှန် စိးရတာပေါ့။ ကျောင်း စတက်ရတဲ့ နေ့မှာ တော့ ဆင်ကြယ် ဖိနပ် အသစ် တစ်ရံ ၀ယ်ပေးလေ့ရှိတယ်။ ကျောင်းဝတ်စုံအသစ် လွယ်အိတ်အသစ် ဖိနပ်အသစ် နဲ့ အတန်းသစ် ကို လှမ်းလို့ပေါ့။
 ဖိနပ်အသစ် စစီးတဲ့နေ့ တွေမှာ ရင်ကော့ ခေါင်းမော့လို့ ပျော်တပြုံးပြုံးနဲ့ ဆင်ကြယ် ဖိနပ် လေးကို ပုံမှန် တိုက်ချွတ် ဆေးလို့ပေါ့။
ဘယ်လောက်ပဲကောင်းပါစေ သင်္ခါရ သဘောကို မလွန်ဆန်နိုင်ပါဘူး၊ ဟောင်းလာမယ် ပြီးရင်ပျက်မယ်။
တခြား ရာဘာ ဖိနပ်တွေရဲ့ သက်တမ်းက  နဲနဲ ဟောင်းလာတာနဲ့ မကြာခင်မှာ ပျက် တယ်၊ ဘာဖြစ်လဲ လွှင့်ပစ် လိုက်ပေါ့။
ခက်တာက ဆင်ကြယ် ဖိနပ် ကြတော့ ခိုင်လွန်းတယ်၊ တော်တော်လေး ဟောင်းလာတာတောင် မပျက်နိုင်ဘူး။ ဖိနပ်ကို ဘယ်လိုပဲ တိုက်ချွတ် ဆေးကြောပါစေ ကြည့်လို့ မြင်လို့ မကောင်းတော့ဘူး။ ဈေးကြီးပေး ၀ယ်ထားရတာဆိုတော့ နောက်ထပ် တစ်ရန် (sorry ပဲ) မ၀ယ်ပေးဘူး။ ကျွန်တော့မှာ တော့ အဲဒီ ဆင်ကြယ် ဖိနပ်ကြီးကို မစီးခြင်တော့ဘူး ၊ ဘယ်လို လုပ်ရမလဲ ?
လွယ်ပါတယ်----- မိဘတွေ မသိအောင် ဖိနပ် သဲကြိုးကို ခဲတံ ချွှန်တဲ့ ဒါးနဲ့ တနေ့ကို နဲနဲ လှီးပေါ့ ၊ ပျက်ရာလေးစရင် မကြာပါဘူး စီးနေရင်းနဲ့ ပျက်ရာလေးက ကြီးလာတယ် ၊ လုံးဝ မပျက်သေးခင် မိဘ တွေကို သတင်းပို့၊ ဟဲဟဲဟဲ ပိုင်ပါတယ်။
အသစ် နောက် တစ်ရံ ဆင်ကြယ် ဖိနပ် မမျှော်လင့်နဲ့ ၊ ရိုးရိုး ရာဘာဖိနပ်ပဲ ရမယ် ။ ကျွန်တော် ၀မ်းမနဲပါဘူး ၊ “ဟောင်းပြီး မလိုခြင်တော့တဲ့ အချိန်မှာ ဆင်ကြယ် ဖိနပ်ကို ပစ်လို့မှ မရတာ”။
ကျွန်တော့ရဲ့ ဘ၀မှာ လှပတဲ့ အချစ် တခုကို ရထားတယ် ၊ ခိုင်မြဲတဲ့ အချစ်လို့လဲ ထင်ပြီး တန်ဖိုးထားတယ် ၊ ကျွန်တော့အတွက်တော့ အကောင်းဆုံးပေါ့ ။ အချစ်ဆိုတာ အလိုလို အမြဲတမ်း သစ်လွင်တောက်ပ နေမည်ပေါ့။
အမြဲသစ်လွင် နေမယ်လို့ ထင်ထားတဲ့ အချစ်တွေ တဖြည်းဖြည်း အရောင်မှိန်လာတော့ ကျွန်တော် မလိုခြင်တော့ဘူး။
ဆင်ကြယ် ဖိနပ်ကိုပဲ ကျွန်တော် မလိုခြင်တော့တဲ့ အချိန် မှာ စွန့်ပစ်လို့ ရအောင် လုပ်တတ်တယ် ၊ အချစ်ကို ဘယ်လို လုပ်ရ မလဲဆိုတာ သိရင် ပြောကြပါဦး ။
ကုမာရ စက်ပြင်း
၆၈.၀၀ Kg.
၁၂-၀၇-၂၀၁၂
၁၆:၃၀ နာရီ (GMT + 3:30)
                                                                                           ၂၃.၅ .C
                                                                                          

No comments:

Post a Comment